Kelot at bebot tiklo sa drug-bust

@Balitang Probinsiya | Pebrero 17, 2023

LAGUNA—Isang lalaki at isang babae ang naaresto sa isinagawang drug-bust operation ng mga awtoridad kamakalawa sa Bgy. Lecheria, Calamba City sa lalawigang ito.

Hindi na muna pinangalanan ang dalawang suspek habang iniimbestigahan sila ng mga awtoridad sa himpilan ng pulisya.

Ayon sa ulat, nagsagawa ng drug-bust operation ang mga awtoridad sa nabanggit na barangay kaya nadakip ang dalawang suspek.

Napag-alaman na nakakumpiska ang mga awtoridad ng 5.2 gramo ng shabu at markadong pera pag-iingat ng dalawang drug pusher.

Hindi naman nanlaban ang mga suspek nang dakpin sila ng mga awtoridad sa naturang lugar.