Kawatan, dedbol sa kuryente

@Balitang Probinsiya | July 1, 2023

CAMARINES SUR -- Isang magnanakaw ang namatay nang makuryente kamakalawa sa Bgy. Dinaga, Naga City sa lalawigang ito.

Hindi na muna pinangalanan ng pulisya ang suspek habang nagsasagawa ng imbestigasyon ang mga awtoridad.

Nabatid na ilang residente ang nag-report sa mga awtoridad tungkol sa natagpuan nilang bangkay.

Sa pagsisiyasat ng pulisya ay napag-alamang nakuryente ang suspek habang ninanakaw ang kawad ng kuryente sa nasabing lugar.

Ayon sa ulat, ang suspek ay may mga record ng pagnanakaw ng mga kable ng kuryente sa naturang lungsod.