Kawani ng munisipyo, pinatay

@Balitang Probinsiya | November 12, 2020

PANGASINAN—Isang kawani ng munisipyo ang napatay nang barilin ng hindi kilalang armadong lalaki kamakalawa sa Bgy. San Jose, San Jacinto.

Ang biktimang nagtamo ng mga tama ng bala sa katawan ay nakilalang si Ofelia Castillo, empleyado ng Human Resource Department ng San Jacinto Municipal Hall.

Ayon sa ulat ng pulisya, nakasakay sa tricycle si Castillo papasok sa munisipyo ng sumulpot ang suspek at agad pinagbabaril ang biktima.

Mabilis na tumakas ang suspek nang matiyak na patay na ang biktima.

Iniimbestigahan na ng mga awtoridad ang motibo ng suspek sa pagpatay kay Castillo.