Kasambahay tiklo sa pagnanakaw

@Balitang Probinsiya | Pebrero 23, 2023

PALAWAN—Isang kasambahay na bading na nagnakaw ng P11,000 cash sa kanyang amo ang dinakip ng mga tauhan ng pulisya kamakalawa sa Brgy. San Manuel, Puerto Princesa City sa lalawigang ito.

Itinago muna ng pulisya ang suspek sa alyas na "Mani" nasa hustong gulang.

Ayon sa hindi pinangalanang amo ni "Mani" ay nawala ang kanyang P11,000 cash sa loob ng kanyang bahay at nawawala rin ang suspek kaya't ini-report niya ito sa pulisya.

Agad nagsagawa ng follow-up operations ang mga awtoridad kaya nadakip ang suspek sa naturang barangay.

Nakapiit na ang suspek sa detention cell ng himpilan ng pulisya at sinampahan na siya ng kasong qualified theft.