Karpintero, tinodas ng 2 armado

@Balitang Probinsiya | May 25, 2023

NEGROS ORIENTAL—Isang karpintero ang namatay nang barilin ng dalawang hindi kilalang armadong lalaki kamakalawa sa Bgy. Calupaan, Guihulngan City sa lalawigang ito.

Ang biktimang nagtamo ng mga tama ng bala sa katawan ay nakilalang si Eduardo Balansag, 47-anyos, nakatira sa naturang barangay.

Ayon sa ulat, habang gumagawa ng bahay si Balansag ay biglang sumulpot ang dalawang hindi kilalang suspek at agad pinagbabaril ang biktima.

Mabilis na tumakas ang mga suspek nang matiyak na patay na ang biktima.

Iniimbestigahan pa ng pulisya ang motibo ng mga suspek sa pamamaslang kay Balansag.