Karpintero tinepok ng tindero
- BULGAR
- Apr 16, 2023
- 1 min read
@Balitang Probinsiya | April 16, 2023
AKLAN—Isang karpintero ang sinaksak at napatay ng isang tindero, kamakalawa sa Bgy. Lupo, Altavas sa lalawigang ito.
Ang biktimang nagtamo ng tig-isang tama ng saksak sa leeg at dibdib ay si Leo Belarmino, 50-anyos, samantalang ang suspek ay si Rosel Fojas, 26, kapwa nakatira sa nabanggit na barangay.
Ayon sa pulisya, habang nag-iinuman ay nagkaroon ng pagtatalo sina Belarmino at Fojas na humantong para pagsasaksakin ng salarin ang biktima.
Agad dinala ng mga saksi ang biktima sa pagamutan, pero idineklara itong dead-on-arrival.
Nabatid na sinampahan na ng pulisya si Fojas ng kasong murder.
Comments