Karate champs Tsukii at Lim, may big chance sa Tokyo Qualifying

ni ATD - @Sports | July 5, 2020

Malaki na ang tsansa nina Southeast Asian Games karate champions Jamie Christine Lim at Junna Tsukii sa kanilang hangarin na makapasok sa Tokyo Olympics na ikakasa sa susunod na taon.

Sapagkat makakasalang na sila sa qualifying tournament sa 2021 upang makakuha ng tiket pero kailangan nilang makasikwat ng medalya.

“They have to medal in the Karate Olympic Qualifying Tournament to gain entry to the Olympics,’’ hayag ni Karate Pilipinas president Richard Lim.

Nasalto ang nasabing qualifying tournament noong Mayo matapos suspendihin ang lahat ng biyahe sa ibang bansa dahil sa pamiminsala ng coronavirus.

Bukod kina female bets Tsukii (-50 kilograms) at Lim (+61 kg), inihayag ng karatedo chief na may tsansa rin sina Joane Bernice Orbon (-61 kg) at men’s kumite entries Sharief Afif (+75 kg), Ivan Agustin (-75 kg) at Alwyn Batican (-67 kg) na makasilo ng Olympic berths sa qualification.

“They are all part of the Olympic qualifying team. They train continuously but we also have a weekly program where we meet and train online,’’ ani Lim.