Kagawad, tiklo sa boga at mga bala
Mar 10, 2021
1 min read
@Balitang Probinsiya | March 10, 2021
ILOCOS SUR—Inaresto ang isang kagawad nang makumpiskahan ng baril at mga bala sa loob ng videoke bar kamakalawa sa Bgy. Poblacion, San Vicente.
Ang suspek ay nakilalang si Kagawad Henrick Ragasa, residente ng Bgy. San Sebastian sa nasabing bayan.
Nabatid na nagsagawa ng “Oplan-Bakal” ang mga awtoridad sa bar at dito nakumpiskahan ng baril at mga bala si Ragasa.
Hindi naman nanlaban at kusang sumama sa mga awtoridad ang suspek nang dakpin siya.
Nakapiit na si Ragasa na nahaharap sa mga kaukulang kaso.
Comments