Kagawad, kritikal sa pamamaril

@Balitang Probinsiya | September 10, 2023

LEYTE -- Isang kagawad ang nasa kritikal na kondisyon nang pagbabarilin ng dalawang hindi kilalang lalaki kamakalawa sa Bgy. Consuegra, bayan ng Leyte sa lalawigang ito.

Ang biktimang nagtamo ng mga tama ng bala sa katawan ay si Kagawad Junie Dela Pena, 51, nakatira sa Bgy. Tag-abaca, sa nasabing bayan.

Ayon sa ulat, habang minamaneho ni Dela Pena ang kanyang sasakyan ay bigla siyang pinagbabaril ng dalawang hindi kilalang salarin.

Matapos ang pamamaril ay mabilis na tumakas ang mga suspek.

Inaalam na ngayon ng mga awtoridad ang motibo ng mga suspek sa pamamaril sa biktima.