Kagawad, arestado sa child abuse

@Balitang Probinsiya | August 5, 2023

SORSOGON -- Isang kagawad na wanted sa kasong child abuse ang dinakip ng mga tauhan ng pulisya kamakalawa sa Bgy. San Rafael, Castilla sa lalawigang ito.

Ang suspek ay kinilala ng pulisya na si Kagawad Noel Bitancul, nasa hustong gulang at nakatira sa naturang barangay.

Nabatid na hinuli ng pulisya ang suspek sa bisa ng warrant of arrest na inisyu ng korte kaugnay sa kinasasangkutan nitong kasong child abuse sa nasabing lalawigan.

Ayon sa ulat, nakita ng mga awtoridad ang suspek sa nasabing barangay kaya agad itong dinakip sa naturang lugar.

Kusang sumama ang suspek at hindi nanlaban sa mga awtoridad.