Istambay, timbog sa shabu at boga

@Balitang Probinsiya | ngayong Marso 11, 2024

ANTIQUE -- Isang istambay ang inaresto ng mga otoridad nang makumpiskahan ng umano’y shabu at baril kamakalawa sa Brgy. 5, San Jose sa lalawigang ito.

Ang suspek ay kinilala ng pulisya na si Raymond Juala, nasa hustong gulang at nakatira sa nasabing barangay. 

Ayon sa ulat, dinakip ng mga otoridad si Juala sa buy-bust operation sa nabanggit na barangay matapos pagbentahan ng umano’y shabu ang mga operatibang nagpanggap ng buyer.

Nakakumpiska ang pulisya ng 105 gramo ng hinihinalang shabu, isang baril at mga bala sa pag-iingat ng suspek.

Nakapiit na ang suspek na nahaharap sa kasong paglabag sa Comprehensive Dangerous Drugs Act of 2002 at illegal possession of firearms and ammunitions.