Inaanak ni-arape ni ninong

@Balitang Probinsiya | Pebrero 21, 2023

BATAAN—Isang ninong na gumahasa sa batang babae na kanyang inaanak ang nadakip ng mga tauhan ng pulisya kamakalawa sa kanyang hideout sa Bgy. Reformista, Limay sa lalawigang ito.

Ang suspek ay kinilala ng pulisya na si Romulo Perez, 44, pansamantalang nakatira sa nasabing barangay.

Ayon sa ulat, ginahasa ni Perez ang kanyang inaanak na dalagita sa kanilang bahay sa Mabini, Batangas noong Marso 2018, at matapos ang panggagahasa ay tumakas ang suspek.

Nabatid na may nagbigay impormasyon sa pinagtataguan ni Perez kaya agad rumesponde ang pulisya at dinakip ang rapist.

Kusang sumama naman sa pulisya ang suspek at sa ngayon ay nakapiit na.