@Balitang Probinsiya | September 20, 2023
NEGROS OCCIDENTAL -- Isang high-value target (HVT) sa droga ang nadakip sa drug-bust operation ng mga awtoridad kamakalawa sa Bgy. 27. Bacolod City sa lalawigang ito.
Ang inarestong suspek ay nakilalang si Kent Perez, nasa hustong gulang at nakatira sa nabanggit na barangay.
Nabatid na nadakip ang suspek sa isinagawang drug-bust operation ng mga awtoridad sa nasabing lugar matapos na pagbentahan nito ng droga ang mga operatiba na nagpanggap na buyer ng shabu.
Nakakumpiska ang mga awtoridad ng 20 gramo ng hinihinalang shabu at markadong pera sa pag-iingat ng suspek.
Nahaharap ngayon ang suspek sa kasong paglabag sa Comprehensive Dangerous Drugs Act of 2002.
תגובות