Holdaper tiklo sa hideout

@Balitang Probinsiya | January 12, 2021

CAPIZ—Isang holdaper ang inaresto ng pulisya kamakalawa sa kanyang hideout sa Lawaan, Roxas City.

Kinilala ng pulisya ang suspek na si John Michael Piedad, 20-anyos at pansamantalang nakatira sa nasabing barangay.

Napag-alamang dinakip ng pulisya si Piedad sa bisa ng warrant of arrest na inisyu ng korte kaugnay sa kinasasangkutan nitong kasong robbery sa lalawigan.

Nabatid na may nag-tip sa pulisya sa kinaroroonan ni Piedad kaya agad rumesponde ang mga awtoridad at dinakip ang suspek.

Hindi na nanlaban ang suspek nang dakpin siya ng pulisya sa nasabing lugar.