Holdaper pumalag, dedo sa shootout

@Balitang Probinsiya | March 16, 2023

SOUTH COTABATO—Isang hindi kilalang holdaper ang napatay nang manlaban at makipagbarilan sa mga tauhan ng pulisya kamakalawa sa Bgy. Sangat, Mlang sa lalawigang ito.

Sa ngayon, inaalam pa ng mga awtoridad ang pagkakakilanlan ng suspek.

Nabatid na hinoldap ng suspek ang isang gasolinahan sa nasabing barangay, pero nakapag-report agad sa pulisya ang kahera ng gasoline station.

Agad rumesponde ang mga awtoridad at dadakpin sana ang suspek, pero pinagbabaril nito ang mga operatiba.

Dahil dito, mabilis na gumanti ng putok ang mga operatiba kaya napatay ang suspek.

Napag-alaman na nakarekober ang mga awtoridad ng baril at mga bala sa pinangyarihan ng insidente.