Holdaper, binoga ng parak

@Balitang Probinsiya | April 13, 2023

QUEZON—Isa sa dalawang holdaper na nagtangkang manlaban ang sugatan nang barilin ng isang pulis kamakalawa sa Bgy. Talisay, Tiaong sa lalawigang ito.

Ang suspek na nagtamo ng isang tama ng bala sa kanang binti ay nakilalang si Christopher Perez, 25, samantalang nakatakas naman ang kasamahan nitong holdaper na si alyas "Liokay."

Ayon sa ulat, isang biktima ng panghoholdap ang humingi ng tulong sa pulisya kaya tinugis ng mga awtoridad ang dalawang holdaper, pero si Perez lang ang inabutan at mabilis na nakatakas si "Liokay".

Nabatid na tinangka ni Perez na agawin ang baril ng isang pulis kaya napilitan ang isang operatiba na barilin ito sa binti.

Agad dinala ng mga awtoridad si Perez sa ospital at ginagamot na ito.