Hinaing ng mga frontliners, binuweltahan…
- BULGAR
- Aug 3, 2020
- 1 min read
“BAKIT IPINAALAM MUNA SA BUONG MUNDO BAGO KAY P-DUTERTE” — ROQUE
ni Ronalyn Seminiano Reonico | August 3, 2020
Kinuwestiyon ng Palasyo ang mga medical frontliners kaugnay ng kanilang naging hinaing sa laban ng bansa kontra-COVID-19 pandemic dahil sa diumano’y si Pangulong Rodrigo Duterte ang huling nakaalam ng tungkol dito.
Saad ni Presidential Spokesperson Harry Roque, "Ibinigay natin lahat ng gusto ng mga frontliners dahil kinikilala natin kayo bilang bagong bayani.
"Pero tingin ko, dapat sagutin nila: Why was the President the last to know about their demands at ipinaalam muna nila sa buong mundo bago nila ibinigay kay Presidente iyong gusto nilang mangyari?"
Samantala, paglilinaw naman ni P-Spokesperson Roque, "Hindi naman po siya (Presidente) maramdamin. Totoo po iyan, talaga namang ang mga kritiko ng gobyerno pagsasamantalahan itong pandemya.
“Sabi lang niya, nako sige na fast forward na natin. Gusto n’yo talaga n’yan, gusto ninyong palitan ako, gusto n’yong magrebolusyon, ngayon na.”
Nitong Linggo, sa televised announcement ni P-Duterte, aniya sa mga medical frontliners, “Next time, you can ask for an audience. Pero 'wag ho kayong magsigaw-sigaw, rebolusyon, rebolusyon."
Comments