ni BRT | July 5, 2020
Posibleng umabot sa mahigit 5 milyon ang hindi makakapag-aral sa papasok na school year batay sa pagtataya ng Department of Education (DepEd).
Lumalabas na nasa 5.4 milyong kabataan umano ang hindi makakapag-aral ngayong taon, kung susundan ang kanilang target sa papasok sa school year.
Target ng gobyerno na makapagpa-enroll ng 80 porsiyento ng bilang ng mga estudyanteng nag-aral noong nakaraang taon.
Sa datos ng DepEd, lumalabas na nasa 27 milyong estudyante ang nag-enroll noong nakaraang taon. At kung susumahin, aabutin ng 21.6 milyon ang mag-aaral na target ng DepEd na makapag-enroll sa papasok na school year, at nasa 5.4 milyon ang posibleng hindi makapag-aral sa parehong panahon, kung susundan ang komputasyon.