Hayskul, tiklo sa marijuana

@Balitang Probinsiya | May 12, 2023

NEGROS OCCIDENTAL—Isang high school student ang dinakip ng mga tauhan ng pulisya nang makumpiskahan ng marijuana, kamakalawa sa loob ng isang classroom ng paaralan sa Talisay City sa lalawigang ito.

Dahil menor-de-edad, hindi na pinangalanan ng pulisya ang suspek.

Ayon sa ulat, nakatanggap ng impormasyon ang mga awtoridad na may dalang illegal drugs sa classroom ang estudyante, kaya agad rumesponde ang mga tauhan ng pulisya at nakumpiska sa suspek ang isang sachet ng marijuana.

Sa ngayon, iniimbestigahan pa ang suspek para malaman kung sino ang nagbenta sa kanya ng droga.

Nahaharap ngayon ang estudyante sa kasong paglabag sa Comprehensive Dangerous Drugs Act of 2002.