Hamon sa mga PhilHealth officials, SALN ipakita!

ni Ronalyn Seminiano Reonico | August 6, 2020

Nais ng House of Representatives na ibunyag ng mga opisyal ng Philippine Health Insurance Corp. (PhilHealth) ang kanilang statement of assets, liabilities and net worth (SALN) para sa imbestigasyon sa kontrobersiyal na iregularidad at korupsiyon sa naturang korporasyon.

Saad ni Anakalusugan Rep. Michael Defensor, “It is critical that we see their SALN in order for us to see the real situation of PhilHealth.”

Ito ay matapos mabunyag ang diumano’y P15 billion na napunta sa “PhilHealth syndicate” ayon sa testimonya ng former antifraud officer nito.

Sa naganap na Senate hearing nitong Martes, saad ni Lawyer Thorrsson Montes Keith, “My primary job as antifraud legal officer of PhilHealth is to spy on corrupt personnel … What I have discovered in PhilHealth may be called ‘crime of the year.’

“I believe, based on my investigation, that the (public) money that had been wasted or stolen was more or less P15 billion.”

Samanta, nais ng House panel na ipakita nina Morales at Senior Vice President and Chief Operating Officer Arnel de Jesus, at ng ilan pang opisyales ang kani-kanilang SALNs.

Ayon naman kay House Deputy Minority Leader at Bayan Muna Rep. Carlos Isagani Zarate, ang pagsasagawa ng lifestyle check sa mga taong sangkot “is really needed in order to exact accountability.”