Guro tumalon sa rooftop, dedbol

@Balitang Probinsiya | January 9, 2021

CAGAYAN DE ORO CITY—Patay ang isang guro nang tumalon ito sa rooftop ng isang paaralan sa Corrales Avenue.

Ang biktima ay nakilalang si Ian Oreg, guro ng Asia Business Cooperative Academy sa naturang lungsod.

Sa imbestigasyon ng pulisya, napuna umano ng mga kasamahang guro ni Oreg na mistulang balisa ang biktima hanggang sa makita nilang umakyat ito sa rooftop ng eskuwelahan.

Inakala umano ng mga kasamahang guro ni Oreg na magpapahangin lang ang biktima, pero laking gulat nila nang bigla itong tumalon at pagkabagsak sa sementadong compound ay agad itong namatay.

Patuloy pa ang imbestigasyon ng mga awtoridad sa naganap na insidente.