Gunrunner, arestado sa buy-bust
- BULGAR
- Aug 27, 2023
- 1 min read
@Balitang Probinsiya | August 27, 2023
ALBAY -- Isang gunrunner ang nadakip ng pulisya sa buy-bust operation kamakalawa sa Bgy. Tagas, Daraga sa lalawigang ito.
Hindi na muna pinangalanan ng mga awtoridad ang suspek habang iniimbestigahan ito sa himpilan ng pulisya.
Ayon sa ulat, nang mabatid ng pulisya na nagbebenta ng baril ang suspek ay agad nagsagawa ng buy-bust operation ang mga ito kaya nadakip ang nasabing gunrunner na nakumpiskahan ng isang baril at mga bala.
Hindi naman nanlaban ang suspek nang dakpin siya ng mga awtoridad.
Nakapiit na ang suspek na nahaharap ngayon sa kasong illegal possession of firearms and ammunitions.
Comments