Gumahasa sa pamangkin, natiklo

@Balitang Probinsiya | May 28, 2023

ILOILO—Isang wanted na manyakis na gumahasa sa kanyang pamangkin ang nadakip ng mga tauhan ng pulisya kamakalawa sa kanyang bahay sa Jaro District, Iloilo City sa lalawigang ito.

Hindi na muna pinangalanan ang suspek habang iniimbestigahan ito ng mga awtoridad.

Napag-alaman na dinakip ng mga tauhan ng pulisya ang suspek sa bisa ng warrant of arrest na inisyu ng korte kaugnay sa kinasasangkutan nitong kasong panggagahasa sa kanyang menor-de-edad na pamangkin.

Nabatid na may nagbigay impormasyon sa pulisya na umuwi ang suspek sa kanyang bahay kaya agad itong sinalakay ng mga awtoridad at dinakip ang manyakis.

Nakapiit na ngayon ang suspek sa detention cell ng himpilan ng pulisya.