Ginang, tepok sa kuryente

@Balitang Probinsiya | June 10, 2023

Capiz -- Isang 50-anyos na ginang ang namatay nang makuryente kamakalawa sa Bgy. Cabugao, Roxas City sa lalawigang ito.

Kinilala ng pulisya ang biktima na si Andra Eribal, nasa hustong gulang at residente ng nabanggit na lungsod.

Ayon sa ulat, naglalakad si Eribal sa nasabing lugar nang masagi nito ang isang live wire na nakalaylay kaya nakuryente ang biktima.

Agad na dinala ng mga residente ang biktima sa ospital, pero idineklara itong dead-on-arrival.

Sa ngayon ay inaalam na ng mga awtoridad kung sino ang may-ari ng nakalaylay na live wire para papanagutin sa pagkamatay ng biktima.