Ginang, patay sa bangin

@Balitang Probinsiya | January 8, 2021

BENGUET—Isang ginang ang namatay at tatlong katao ang sugatan nang aksidenteng mahulog sa bangin ang sinasakyan nilang SUV kamakalawa sa KM 57 Cattubo, Atok.

Ang nasawi ay nakilalang si Jacqueline Mayos, samantalang ang mga sugatan ay sina Joe Mayos, Leticia Avelino at ang driver na si Johnlo Gayudan, pawang residente ng Bgy. Lam-ayam, Baguias sa nasabing lalawigan.

Ayon sa ulat, nawalan ng kontrol sa pagmamaneho ang driver g SUV na kinalululanan ng iba pang biktima kaya nahulog ang kanilang sasakyan sa bangin.

Napag-alamang nagtamo ng malulubhang pinsala sa ulo at katawan ang mga biktima.

Kaagad sumaklolo ang mga residente at dinala sa pagamutan ang mga biktima, pero idineklarang dead-on-arrival si Jaqueline.