Ginang, nagbigti

@Balitang Probinsiya | April 23, 2023

QUEZON—Isang ginang ang nagpakamatay sa pamamagitan ng pagbigti sa sarili, kamakalawa sa loob ng kanilang tahanan sa Bgy. Mapagong, Pagbilao sa lalawigang ito.

Sa kahilingan ng pamilya ay hindi na pinangalanan ang biktimang 33-anyos at residente ng naturang barangay.

Nabatid na ilang kamag anak ng biktima ang nakatagpo sa nakabiting bangkay ng ginang.

Ayon sa pamilya ng biktima ay wala silang alam na dahilan para magpakamatay ang ginang.

Patuloy pa ang imbestigasyon ng pulisya para mabatid motibo ng biktima sa kanyang pagpapakamatay.