Ginang, kinatay sa loob ng bahay

@Balitang Probinsiya | December 30, 2020

LAGUNA—Isang 36-anyos na ginang ang namatay nang tadtarin ng saksak ng hindi kilalang salarin kamakalawa sa loob ng kanilang bahay sa Bgy. Natividad, Pangil.

Kinilala ng pulisya ang biktimang nagtamo ng mga tama ng saksak sa katawan na si Aime Javier, nakatira sa nabanggit na barangay.

Ayon sa ulat, nasa loob ng kanilang bahay si Javier, kasama ang kanyang 3-taong gulang na anak nang biglang pumasok ang suspek at agad pinagsasaksak ang biktima.

Sinabi ng mga saksi na hindi kilalang lalaki ang nakita nilang nagmamadaling lumabas sa bahay ni Javier at nang puntahan nila ay dito natagpuan ang duguang bangkay ng biktima.

Patuloy pa ang isinasagawang imbestigasyon ng pulisya sa naganap na krimen.