@Balitang Probinsiya | November 7, 2023
ILOILO -- Isang gusali na ginagawa ang nasunog kamakalawa sa Mandurriao District, Iloilo City sa lalawigang ito.
Ang natupok na building project ay nasa Iloilo Business Park sa nabanggit na lugar.
Ayon sa ulat, nakita ng mga construction worker na biglang sumiklab ang sunog sa 11th floor at nadamay din ang ilan pang palapag ng nasabing gusali.
Nabatid na mahigit dalawang oras ang itinagal ng sunog bago naapula ng mga bumbero ang apoy.
Wala namang iniulat na nadisgrasya sa naganap na insidente habang iniimbestigahan pa ang naging sanhi ng sunog.
תגובות