Gasoline boy, sapul sa rider

@Balitang Probinsiya | Pebrero 10, 2023

AKLAN – Isang gasoline boy ang sugatan nang mabangga ng motorsiklo kamakalawa sa Bgy. Mantiguib, Makato sa lalawigang ito.

Ang biktima ay kinilala ng pulisya na si Reymark Tropa, 25, residente ng nasabing barangay.

Ayon sa ulat, mabilis umano ang takbo ng motorsiklo kaya nabangga ang biktimang tumatawid sa kalsada.

Agad dinala ng mga saksi ang biktima sa pagamutan at sa kasalukuyan ay ginagamot pa.

Hindi naman na pinangalanan ang sumukong rider dahil sa pangakong sasagutin ang mga gastusin sa ospital at danyos sa pagkakabangga niya sa biktima.