Fishpond caretaker, huli sa baril

@Balitang Probinsiya | July 11, 2023

ILOILO -- Isang fishpond caretaker ang dinakip ng mga tauhan ng pulisya nang makumpiskahan ng tatlong baril at mga bala kamakalawa sa loob ng kanyang bahay sa Bgy. Luca, Ajuy sa lalawigang ito.

Kinilala ng pulisya ang suspek na si Anthony Animas, nasa hustong gulang at residente sa nabanggit na barangay.

Nabatid na sinalakay ng pulisya sa bisa ng search warrant ang bahay ni Animas at dito nakumpiska ang isang baril na kalibre .45 pistola, isang kalibre .38 revolver, isang M16 revolver at mga bala.

Hindi naman nanlaban ang suspek nang dakpin ng mga operatiba.

Nakapiit na ang suspek na nahaharap sa 3-counts ng kasong illegal possession of firearms and ammunitions.