Fetus, natagpuan sa ilog

@Balitang Probinsiya | December 11, 2023

CAMARINES SUR -- Isang fetus na nakalagay sa isang plastic bag ang natagpuan kamakalawa na nakalutang sa ilog na sakop ng Brgy. Balatas, Naga City sa lalawigang ito.

Ang fetus ay natagpuan ng mga residente sa nabanggit na barangay at agad nila itong ini-report sa himpilan ng pulisya.

Ayon sa mga rumespondeng otoridad, tinatayang nasa pagitan ng apat hanggang anim na buwan ang natagpuang fetus.

Sa ngayon, nagsasagawa na ng imbestigasyon ang pulisya para matukoy ang nagtapon ng fetus sa naturang ilog.

Sakaling matukoy ang suspek ay sasampahan ito ng pulisya ng mga kasong may kaugnayan sa abortion.