Ex-soldier kinatay ng kapitbahay

@Balitang Probinsiya | Pebrero 23, 2023

ILOILO—Isang dating sundalo ang namatay nang pagsasaksakin ng

kanyang kapitbahay kamakalawa sa Brgy. Calaparan, Arevalo sa lalawigang ito.

Ang biktimang nagtamo ng mga tama ng saksak sa katawan ay nakilalang si Jobert Bodiola, 63, dating sundalo ng Philippine Army (PA), samantalang ang suspek ay si Mark Losana, 35, kapwa nakatira sa nasabing barangay.

Ayon sa pulisya, habang nag-uusap ay nagkaroon ng pagtatalo sina Bodiola at Losana na humantong kaya pinagsasaksak ng suspek ang biktima.

Agad dinala ng mga saksi ang biktima sa ospital, pero idineklara itong dead-on-arrival.

Nagtangka pa umanong tumakas si Losana, pero nadakip din agad siya ng mga nagrespondeng tauhan ng pulisya.