Ex-kagawad dinedo sa bahay

@Balitang Probinsiya | March 15, 2023

ALBAY—Isang dating kagawad ang namatay nang pagbabarilin ng isang hindi kilalang armadong lalaki sa loob ng kanyang bahay kamakalawa sa Bgy. Panganiran, Pio Duran sa lalawigang ito.

Ang biktimang nagtamo ng mga tama ng bala sa katawan ay nakilalang si Mariano Balbuena, nasa hustong gulang, at nakatira sa naturang barangay.

Ayon sa ulat, habang nasa loob ng kanyang bahay si Balbuena ay biglang sumulpot ang suspek at agad pinagbabaril ang biktima.

Mabilis na tumakas ang suspek nang matiyak na patay na ang biktima.

Iniimbestigahan pa ng pulisya ang motibo ng suspek sa pamamaslang kay Balbuena.