Ex-cop, tinodas ng katoma

@Balitang Probinsiya | January 31, 2021

SORSOGON—Isang dating pulis ang binaril at napatay ng kanyang nakaalitang kainuman kamakalawa sa Sumal-ot, Casiguran.

Ang biktimang nagtamo ng mga tama ng bala sa katawan ay nakilalang si ex-policeman Edwin Estavilla, samantalang ang suspek ay si Roberto Hapin, kapwa nakatira sa nabanggit na barangay.

Ayon sa pulisya, habang nag-iinuman ay nagkaroon ng pagtatalo sina Estavilla at Hapin na humantong para pagbabarilin ng suspek ang biktima.

Kaagad dinala ng mga saksi ang biktima sa pagamutan, pero idineklara itong dead-on-arrival.

Naaresto naman ng mga awtoridad ang suspek na nahaharap sa kasong murder at illegal possession of firearms and ammunitions.