Ex-cop, tinodas ng armado
BULGAR
Dec 18, 2022
1 min read
@Balitang Probinsiya | December 18, 2022
LAGUNA—Isang dating pulis ang namatay nang barilin ng armadong lalaki kamakalawa sa Bgy. Mayapa, Calamba City.
Ang biktimang nagtamo ng mga tama ng bala sa katawan ay nakilalang si ex-police officer Leo Agpalo, nakatira sa naturang lalawigan.
Ayon sa ulat, lulan ng kanyang motorsiklo si Agpalo nang biglang sumulpot ang hindi kilalang suspek at agad pinagbabaril ang biktima.
Mabilis na tumakas ang mga suspek nang matiyak na patay na si Agpalo.
Iniimbestigahan pa ng pulisya ang motibo ng suspek sa pamamaslang sa biktima.
Comments