Ex-convict tepok sa gunman
BULGAR
Nov 4, 2022
1 min read
@Balitang Probinsiya | November 4, 2022
RIZAL—Patay ex-convict nang barilin ng hindi kilalang armadong lalaki kamakalawa sa Bgy. Sta. Ana, Taytay.
Ang biktimang nagtamo ng mga tama ng bala sa katawan ay kinilala ng pulisya na si Paul Perante, nasa hustong gulang, dating nakulong sa kasong may kinalaman sa droga at nakatira sa naturang bayan.
Ayon sa ulat, lulan ng kanyang motorsiklo si Perante nang sumulpot ang suspek at agad siyang pinagbabaril.
Matapos tiyaking patay na ang biktima ay saka ito mabilis na tumakas.
Iniimbestigahan na ng pulisya ang motibo ng suspek sa pamamaslang sa biktima.
Comments