Ex-convict, sugatan sa gunman

@Balitang Probinsiya | June 08, 2023

AKLAN -- Isang ex-convict ang nasa kritikal na kondisyon nang barilin ng isang hindi kilalang armadong lalaki kamakalawa sa Bgy. Calizo, Balete sa lalawigang ito.

Ang biktimang nagtamo ng isang tama ng bala sa katawan ay nakilalang si Robert Dela Cruz, nakatira sa naturang barangay.

Ayon sa ulat, habang nasa loob ng kanyang bahay si Dela Cruz ay may kumatok sa pinto at nang buksan ng biktima ay agad itong binaril ng suspek.

Matapos ang pamamaril ay mabilis na tumakas ang suspek.

Nagpalabas na ngayon ng manhunt operations ang pulisya para madakip ang suspek, samantalang ginagamot na sa ospital ang biktima.