Ex-convict, niratrat ng mga armado

@Balitang Probinsiya | February 4, 2021

LA UNION—Isang ex-convict ang namatay nang barilin ng mga hindi kilalang armadong lalaki kamakalawa sa Bgy. San Eugenio, Aringay.

Kinilala ng pulisya ang biktima na nagtamo ng mga tama ng bala sa katawan na si Joy Balaoro, tubong Abra.

Ayon sa ulat, lulan ng kanyang motorsiklo si Balaoro nang biglang sumulpot ang mga suspek at pinagbabaril ang biktima.

Napag-alamang namatay sa mismong pinangyarihan ng krimen ang biktima.

Nabatid na si Balaoro ay dating nakulong sa mga kasong frustrated murder at illegal possession of firearms, at ito ang iniimbestigahan ng pulisya kung may kaugnayan sa mga dating kaso nito ang naganap na pagpatay sa biktima.