Ex-convict na nag-amok, arestado

@Balitang Probinsiya | July 19, 2023

BATANGAS -- Isang ex-convict na nag-amok ang dinakip ng mga tauhan ng pulisya kamakalawa sa Bgy. Sta. Clara, Batangas City sa lalawigang ito.

Ang suspek ay kinilala ng pulisya na si Jeffrey Perculeza, 33, at residente ng nabanggit na barangay.

Ayon sa ulat, habang lasing na naglalakad si Perculeza ay bigla itong nagwala at naglabas ng baril at naghamon ng away.

Mabilis na humingi ng tulong sa pulisya ang mga residente kaya agad rumesponde ang mga ito at inaresto ang suspek.

Nabatid na dating nakulong sa kasong homicide ang suspek at pansamantalang nakalaya sa pamamagitan ng piyansa.