Estudyanteng tulak, tiklo

@Balitang Probinsiya | April 27, 2023

QUIRINO—Isang estudyanteng drug pusher ng marijuana ang naaresto sa isinagawang buy-bust operation, kamakalawa sa Bgy. Lutuad, Diffun sa lalawigang ito.

Hindi na muna pinangalanan ang suspek habang iniimbestigahan ito ng mga awtoridad.

Ayon sa ulat, nakatanggap ng impormasyon ang mga awtoridad na nagbebenta ng marijuana si estudyante kaya agad nagsagawa ng buy-bust operation ang pulisya sa nasabing barangay at dito nadakip ang suspek.

Nabatid na nakakumpiska ang mga awtoridad ng ilang pakete ng marijuana at marked money sa pag-iingat ng suspek.

Nakapiit na ang suspek na nahaharap ngayon sa kasong paglabag sa Comprehensive Dangerous Drugs Act of 2002.