Estudyanteng rapist, tiklo

@Balitang Probinsiya | Pebrero 6, 2023

SORSOGON – Isang estudyanteng rapist ang nadakip ng mga tauhan ng pulisya kamakalawa sa kanyang hideout sa Bgy. Otavi, Bulan sa lalawigang ito.

Ang suspek ay kinilala ng pulisya na si Jerico Aguirre, 19, estudyante sa nabanggit na lalawigan.

Napag-alaman na dinakip ng pulisya ang suspek sa bisa ng warrant of arrest na inisyu ng korte kaugnay sa kinasasangkutan nitong 2-counts ng kasong rape sa lalawigan.

Ayon sa ulat, nakita ng mga awtoridad si Aguirre sa nasabing barangay kaya agad itong dinakip.

Hindi naman nanlaban ang suspek nang dakpin siya ng mga operatiba.