Estudyante nalunod sa ilog, dedo
- BULGAR
- Apr 3, 2023
- 1 min read
@Balitang Probinsiya | April 3, 2023
KALINGA—Isang 19-anyos na estudyante ang namatay nang malunod kamakalawa sa ilog na sakop ng Bgy. Calanan, Tabuk City sa lalawigang ito.
Ang biktima ay nakilalang si France Dumaguing, residente ng nasabing lungsod.
Nabatid na habang naliligo sa ilog ay nakita ni Dumaguing na nalulunod ang dalawa niyang pinsan.
Napag-alaman na agad sumaklolo si Dumaguing, at nang madala sa gilid ng ilog ang dalawa niyang pinsan ay biglang rumagasa ang agos ng tubig kaya natangay ang biktima.
Agad na sumaklolo ang mga residente, pero patay na nang maiahon sa ilog si Dumaguing.
Comments