Estudyante, nahulog sa motor, pisak sa bus

@Balitang Probinsiya | Pebrero 8, 2023

CAMARINES SUR—Isang estudyante ang namatay nang aksidenteng masagasaan ng isang rumaragasang pampasaherong bus, kamakalawa sa Bgy. Agrupacion, Tagcawayan sa lalawigang ito.

Nakilala ang biktima na si Arabel Cuenca, nasa hustong gulang, criminology student sa nasabing lalawigan.

Ayon sa ulat, nakaangkas sa isang motorsiklo si Cuenca at aksidente itong nahulog kaya nasagasaan ng rumaragasang pampasaherong bus na minamaneho ng hindi pinangalanang driver.

Nabatid na napisak ang katawan at ulo ng biktima na naging dahilan kaya namatay ito sa pinangyarihan ng insidente.