Estudyante kritikal sa bangga ng tricycle

@Balitang Probinsiya | November 2, 2022

AKLAN—Kritikal ang kalagayan ng estudyante nang aksidenteng mabangga ng tricycle ang minamaneho nitong motorsiklo kamakalawa sa Bgy. Calizo, Balete.

Ang biktima ay kinilala ng pulisya na si Harold Lachica, 23-anyos, estudyante ng Aklan State University sa nasabing lalawigan.

Ayon sa ulat, mabilis umano ang takbo ng tricycle na pinapasada ng isang hindi pinangalanang driver, kaya nabangga ang minamanehong motorsiklo ng biktima.

Nabatid na nagtamo ng sugat sa ulo at katawan ang biktima at sa kasalukuyan ay ginagamot pa siya sa ospital.

Nangako naman ang driver ng tricycle na sasagutin niya ang gastos ni Lachica sa pagpapagamot sa ospital.