@Balitang Probinsiya | November 18, 2023
BUTUAN CITY -- Isang engineer ang inaresto ng mga awtoridad nang makumpiskahan ng umano’y shabu, isang baril at mga bala kamakalawa sa loob ng kanyang bahay sa Purok 1, Brgy. Dumalagan sa lungsod na ito.
Hindi na muna pinangalanan ang suspek habang iniimbestigahan ito ng mga awtoridad.
Nabatid na sinalakay ng pulisya ang bahay ng engineer sa bisa ng search warrant at dito nakumpiska ang isang pakete ng hinihinalang shabu, isang kalibre .45 pistola at mga bala.
Hindi naman nanlaban ang suspek nang arestuhin siya ng mga awtoridad sa nasabing lugar.
Nakapiit na ang suspek na nahaharap sa kasong paglabag sa Comprehensive Dangerous Drugs Act of 2002 at illegal possession of firearms and ammunition.
Comments