Empleyado, timbog sa shabu

@Balitang Probinsiya | Pebrero 11, 2024

COTABATO CITY -- Isang empleyado ang nadakip sa buy-bust operation ng mga otoridad kamakalawa sa Esteros Area, Brgy. Tamontaka Mother sa lungsod na ito.

Ang suspek ay kinilala ng pulisya na si Marco Saban, nasa hustong gulang at nakatira sa nasabing lungsod. 

Ayon sa ulat, naaresto ang suspek nang pagbentahan nito ng umano’y shabu ang mga operatiba na nagpanggap na buyer ng droga.

Nabatid na nakakumpiska ang mga otoridad ng ilang pakete ng hinihinalang shabu at markadong pera sa pag-iingat ng suspek.

Nakapiit na ang suspek na nahaharap sa kasong paglabag sa Comprehensive Dangerous Drugs Act of 2002.