Empleyado ng DPWH, patay sa ambush
- BULGAR
- Sep 8, 2023
- 1 min read
@Balitang Probinsiya | September 8, 2023
NORTH COTABATO -- Isang empleyado ng Dept. of Public Works and Highways (DPWH) ang namatay sa pang-a-ambush at pamamaril ng mga armadong salarin kamakalawa sa Bgy. Villarica, Midsayap sa lalawigang ito.
Ang biktimang nagtamo ng mga tama ng bala sa katawan ay nakilalang si Jerry Largo, nakatira sa nasabing lalawigan.
Ayon sa ulat, habang minanameho ni Largo ang kanyang motorsiklo ay biglang sumulpot ang mga hindi kilalang suspek at agad pinagbabaril ang biktima.
Matapos ang pamamaril ay mabilis na tumakas ang mga suspek.
Inaalam na ng mga awtoridad ang motibo ng mga suspek sa pagpatay sa biktima.
Comments