Empleyado nahulog sa bubong dedbol
BULGAR
Nov 13, 2022
1 min read
@Balitang Probinsiya | November 13, 2022
CEBU—Isang empleyado ang namatay ng aksidenteng mahulog sa bubong ng gusali ng kumpanyang kanyang pinagtatrabahuhan kamakalawa sa Bgy. Buanoy, Balamban.
Kinilala ang biktima na si Romeo delos Santos, 53-anyos at empleyado ng shipbuilding na nakabase sa nasabing bayan.
Ayon sa ulat, habang nasa bubungan si Delos Santos ng shipbuilding ay natapakan nito ang isang fiberglass na bumigay, kaya nahulog ang biktima.
Nabatid na nagkaroon ng malaking pinsala sa ulo at katawan ang biktima sa naganap na aksidente.
Kaagad dinala ng kanyang mga kasamahan sa trabaho si Delos Santos sa ospital, pero idineklara itong dead-on-arrival.
Comments