@Balitang Probinsiya | ngayong Marso 22, 2024
AKLAN -- Isang electrician na drug pusher ang naaresto sa drug-bust operation ng mga awtoridad kamakalawa sa Brgy. Cavangila, Altavas sa lalawigang ito.
Kinilala ang suspek na si Jaoher Tornalejo, nasa hustong gulang at residente sa nabanggit na bayan.
Ayon sa ulat, nadakip ang suspek sa isinagawang drug-bust operation nang pagbentahan niya ng umano’y shabu ang mga operatibang nagpanggap na buyer.
Napag-alaman na nakakumpiska ang mga otoridad ng 11 pakete ng hinihinalang shabu at marked money sa pag-iingat ng suspek.
Nakapiit na ang suspek na nahaharap sa kasong paglabag sa Comprehensive Dangerous Drugs Act of 2002.
Comments