Drug trafficker huli sa buy-bust

@Balitang Probinsiya | Pebrero 14, 2023

QUEZON – Isang drug trafficker ang naaresto sa isinagawang buy-bust operation ng mga awtoridad kamakalawa sa Bgy. 10, Lucena City sa lalawigang ito.

Ang suspek ay nakilalang si Gerald Dalumpines, 27, residente ng Bgy. Cotta sa nabanggit na lungsod.

Ayon sa ulat, nagpanggap na buyer ng shabu ang mga operatiba, at nang bentahan sila ng droga ni Dalumpines ay dito na agad dinakip ng mga awtoridad ang suspek.

Nabatid na nakakumpiska ang mga awtoridad ng 91.66 gramo ng shabu at markadong pera sa pag-iingat ng suspek.

Nakapiit na ang suspek sa detention cell ng himpilan ng pulisya at siya ay nahaharap sa kasong paglabag sa Comprehensive Dangerous Drugs Act of 2002.